“Yelo Bank”ın ümidsiz kreditləri 17 milyon manatdan çoxdur - 4,2 faizlik azalma

2024-cü ilin yanvar-sentyabr aylarında “Yelo Bank” müştərilərə 897 milyon 898 min manat kredit verib.

Valyuta.az bu barədə bankın maliyyə hesabatına istinadən xəbər verir ki, bu, 2023-cü ilin sonu ilə müqayisədə 17,4 % çoxdur. 2023-cü ilin sonunda bank müştərilərə 764 milyon 309 min manat kredit verib. 

Bu ilin hesabat dövründə bankda vaxtı keçmiş kreditlərin həcmi 25 milyon 753 min manat təşkil edib. Bu il vaxtı keçmiş kreditlərin ümumi kredit portfelində payı 2,8 % təşkil edib. Bankın bu il vaxtı keçmiş kreditlərinin həcmi 2023-cü ilin sonu ilə müqayisədə 4,9 % çoxdur. 2023-cü ilin sonunda "Yelo Bank"ın vaxtı keçmiş kreditlərin həcmi 24 milyon 531 min manat təşkil edib.

Bankın standart kreditlərin həcmi 852 milyon 710 min manat təşkil edib ki, bu da 2023-cü ilin sonu ilə müqayisədə 16,8 % çoxdur. Standart kreditlərin ümumi kredit portfelində payı 94,9 % təşkil edib. 

Bu ilin hesabat dövründə bankın qeyri-qənaətbəxş kreditlərinin həcmi 3 milyon 987 min manat təşkil edib ki, bu da 2023-cü ilin sonu ilə müqayisədə 15 % və ya 523 min manat çoxdur.

“Yelo Bank”ın təhlükəli kreditlərinin həcmi 2 milyon 26 min manat təşkil edib ki, bu da 2023-cü ilin sonu ilə müqayisədə 52,4 % və ya 697 min manat çoxdur.

“Yelo Bank”ın ümidsiz kreditlərinin həcmi 17 milyon 595 min manat olub ki, bu da 2023-cü ilin sonu ilə müqayisədə 4,2% və ya 786 min manat azdır.

Nara