“Gloria Jean's Coffees Azerbaijan” cərimələndi - Hava təmizləyiciləri işləmirmiş...

Bakıda məşhur kofe evində yanğın təhlükəsizliyinə riayət olunmadığı üçün protokol tərtib edilib.

Valyuta.az-ın məlumatına görə, Nərimanov rayonu, Atatürk prospekti ünvanında yerləşən “Gloria Jean's Coffees Azerbaijan” kofe evində yoxlama aparılıb. Kofe evinin binasında aparılan yoxlama zamanı binada obyektin fasad hissəsi yanar taxta materiallarla üzlənməsi məlum olub. Bununla belə obyektin bütün ventilvasiva, hava təmizləyici qurğularının müvafiq təşkilatlar tərəfindən rübdə bir dəfə yanar tozlardan təmizlənilməsi, saz və işə yararlı vəziyyətə gətirilməsi barədə müvafiq sənədlər və aktlar təqdim edilməyib.

Obyektin mövcud avtomatik yanğın xəbərverici siqnalizasiva qurğusuna lisenziyalı təşkilatlar tərəfindən profilaktiki baxışın keçirilməsi, texniki qulluğun göstərilməsi, sazlığı və işəyararlılığı barədə sonuncu baxış aktları və müvafiq sənədlər təqdim olunsa da qurqu işlək vəziyyətə gətirilməyib. Obyektdə ilkin yanğınsöndürmə vasitələrinin saxlanılması qaydalarına riayət olunmayıb.

“Gloria Jean's Coffees Azerbaijan”ın sahibi İnzibati Xətalar Məcəlləsinin 518.1-ci maddəsi ilə protokol tərtib edilib. Məhkəmənin qərarı ilə, sözügedən obyektin sahibi nəzərdə tutulmuş inzibati xətanı törətməkdə təqsirli bilinərək barəsində 350 manat məbləğində inzibati cərimə olunub. Sözügedən qüsurların aradan qaldırılması üçün sahibkara vaxt verilib.

Sabiq İsfəndərli