İxracı ən az gəlir gətirən məhsullar - CƏDVƏL

2025-ci ilin iyun ayında ixrac olunan əsas qeyri-neft mallarının siyahısında yer alan bəzi məhsulların ixracdan gəlirləri azalıb.

Valyuta.az xəbər verir ki, bu siyahıda albalı və gilas, propilen sopolimerləri və pambıq mahlıcı yer alıb.

Belə ki, albalı və gilasın ixracı bu ilin eyni dövründə 18,6 milyon ABŞ dolları dəyərində olub. Ötən ilin eyni dövründə isə bu göstərici 19,9 milyon ABŞ dolları təşkil edib. Bu, illik müqayisədə 1,3 milyon ABŞ dolları və ya 6,5% azalma deməkdir.

Digər məhsul ilkin formalı propilen sopolimerlərinin ixracı ötən il 10,8 milyon ABŞ dolları gəlir gətirib. Bu il isə həmin rəqəm 10 milyon ABŞ dollarına enib ki, bu da 0,8 milyon ABŞ dolları və ya 7,4% azalma deməkdir.

Pambıq mahlıcının ixracı isə bu ilin eyni dövründə 9,8 milyon ABŞ dolları olub. Ötən ilin eyni dövründə bu göstərici 17,3 milyon ABŞ dolları təşkil edib ki, bu da 7,5 milyon ABŞ dolları azalma deməkdir.

Sərvanə Rəmixanova