"Kraken" "Fed" sisteminə çıxış əldə edən ilk kripto birjası oldu

ABŞ-da fəaliyyət göstərən kriptovalyuta birjası Kraken ABŞ Mərkəzi Bankı olan Federal Reserve sisteminə çıxış əldə edib.

Valyuta.az xəbər verir ki, "Kraken" bu sistemə qoşulan ilk kripto birjası olub.

Məlumata görə, şirkətin bankçılıq bölməsi "Kraken" "Financial Fedin Federal Reserve Bank of Kansas City" filialından təsdiq alaraq burada hesab açmaq hüququ qazanıb. Bu qərar birjanın banklarla pul köçürmələrini vasitəçilər olmadan və daha aşağı xərclə həyata keçirməsinə imkan verəcək.

Qeyd olunur ki, bu icazə "Kraken"i tam bank etmir. Şirkət kredit vermək və ya "Fed"dən borc almaq hüququ əldə etmir, lakin banklar kimi "Fed" sistemində rezerv saxlaya biləcək.

Sərvan Rəmixanova