“Azərpoçt”un keçmiş əməkdaşına “PASHA Bank”da vəzifə verildi

“PASHA Bank”da yeni kadr təyinatı həyata keçirilib.

Valyuta.az-ın məlumatına görə, Fərid Cəfərov “PASHA Bank”ın Baş əməliyyat direktoru vəzifəsinə təyin edilib.

F.Cəfərov bundan əvvəl, 2021-ci ildən etibarən “PASHA Bank”da Məhsul idarəetməsi və Əməliyyatlar üzrə idarəedici direktor, virtual dəstək və virtual filial üzrə direktor vəzifələrini icra edib. 2011–2021-ci illərdə Rabitə və Yüksək Texnologiyalar Nazirliyi,“Azərpoçt” MMC-də rəqəmsal texnologiyalar, maliyyə xidmətləri üzrə direktor, plastik kartlar departamentinin müdiri, 2013–2021-ci illərdə paralel olaraq “Millikart” MMC-də baş biznes mütəxəssisi, 2009-2011-ci illərdə illərdə Rabitə və Yüksək Texnologiyalar Nazirliyi, “Azərpoçt” MMC-də maliyyə xidmətlərinin marketinq departamentinin rəhbəri vəzifələrində işləyib.

O, 2000–2004-cü illərdə Azərbaycan Dövlət İqtisad Universitetində bank işi və maliyyə təminatı xidmətləri ixtisası üzrə bakalavr, 2004–2006-cı illərdə isə eyni universitetdə magistr dərəcəsi alıb. 

Mayya Hüseynova