İlon Mask süni intellektin təhlükəsiz inkişafı üçün zəruri prinsipləri açıqladı

"Tesla", "SpaceX" və "xAI" şirkətlərinin rəhbəri İlon Mask süni intellektin (Al) potensial təhlükələri barədə növbəti xəbərdarlığını edərək, bu texnologiyanın təhlükəsiz inkişafını təmin edə biləcək üç əsas prinsip müəyyənləşdirib. 

Valyuta.az xəbər verir ki, CNN-in məlumatına görə, o, bu barədə hindistanlı milyarder Nihil Kamata verdiyi müsahibədə danışıb. 

Mask qeyd edib ki, Al ilə bağlı müsbət gələcək heç də zəmanətli deyil, çünki güclü texnologiyalar dağıdıcı potensiala sahib ola bilər. 2015-ci ildə "OpenAI"ın həmtəsisçisi olan, lakin 2018-ci ildə kommersiyalaşdırma ilə bağlı fikir ayrılıqları səbəbilə idarə heyətindən ayrılan Mask Al üçün əsas istiqamətləri belə təsvir edib: həqiqət, gözəllik və maraq.

Mask deyib: "Əgər Al həqiqətə ciddi şəkildə əməl etməsə, internetdən saysız-hesabsız yalan məlumatları mənimsəyəcək və bu, onun mühakimə qabiliyyətini pozacaq".

Onun sözlərinə görə, Al-ı yanlış məlumatlara inanmağa məcbur etmək onu “dəliliyə sürükləyə” və nəticədə səhv, potensial təhlükəli qərarlara gətirib çıxara bilər.

Sənayedə əsas problemlərdən biri olan “hallüsinasiyalar” — yanlış məlumatın generasiyası — hələ də ciddi çağırış olaraq qalır. Mask bu il "iPhone" cihazlarında "Apple Intelligence" funksiyasının yaydığı saxta bildirişləri, o cümlədən dart oyunçusu Luk Littlerin uydurma qələbəsi barədə məlumatı nümunə kimi göstərib.

Maskın ikinci prinsipi - gözəllik hissidir. O etiraf edib ki, bunu formallaşdırmaq çətindir, lakin gördükdə tanıyırsınız. Üçüncü prinsip isə maraqdır -  Al-ən reallığın mahiyyətini anlamağa yönəlməsi və insan sivilizasiyasının davamına təsir göstərməyə can atması, onun məhvinə yox.

CNN xatırladır ki, Maskın xəbərdarlıqları digər ekspertlərin fikirləri ilə üst-üstə düşür. Al-ın “xaç atası” adlandırılan Ceffri Hinton daha əvvəl süni intellektin “bəşəriyyəti Yer üzündən silə” biləcəyinin ehtimalını 10–20% qiymətləndirərək, texnologiyanın təhlükəsizliyini təmin edəcək araşdırmalara diqqət yetirilməsinə çağırmışdı.

Paşa Məmmədli