Humanoid robotlar 5 ilə zavod işçilərini əvəz edəcək

"Xiaomi" süni intellektin sürətli inkişafı fonunda istehsalatda böyük dəyişikliklərə hazırlaşır.

Valyuta.az xəbər verir ki, şirkətin baş direktoru Lei Jun bildirib ki, AI artıq dəstək texnologiyası deyil, gələcəyin zavodlarının əsasını təşkil edəcək.

Onun sözlərinə görə, "Xiaomi"nin elektromobil zavodunda iri konstruksiyaların yoxlanışı əvvəllər insanların qiymətləndirməsinə əsaslanırdı. Hazırda isə X-ray və AI modeli eyni işi bir neçə saniyəyə, insanlardan 10 dəfə daha sürətli və dəqiq yerinə yetirir.

Lei Jun hesab edir ki, bu sahə gələcəkdə trilyon yuanlıq bazar yaradacaq və sənayedə irəliləyiş üçün şirkətlər arasında əməkdaşlıq vacib olacaq.

Xiaomi-nin növbəti addımı isə humanoid robotların istehsalata gətirilməsidir. Şirkət bu robotları qarşıdakı 5 il ərzində zavod xətlərinə yerləşdirməyi planlaşdırır. O həmçinin vurğulayıb ki, gələcəkdə evlər üçün humanoid robotlara tələbat daha da yüksək ola bilər.

Sərvanə Rəmixanova