Redaktor
Harvard xarici tələbələri qəbul edə bilməz, universiteti tərk etməlidirlər - Qərar
ABŞ prezidenti Donald Trampın rəhbərlik etdiyi administrasiya Harvard Universitetinin əcnəbi tələbələri qəbul etmə hüququnu ləğv etdiyini açıqlayıb.
Valyuta.az xəbər verir ki, bu addım administrasiyanın elit ali təhsil müəssisələrinə təzyiq göstərmək cəhdlərinin ciddi şəkildə genişlənməsi kimi qiymətləndirilir.
ABŞ Daxili Təhlükəsizlik Nazirliyi son günlərdə Harvard Universitetinə rəsmi şəkildə bildiriş göndərərək, tələbə və mübadilə proqramları üzrə sertifikatlaşdırmanın dərhal ləğv olunduğunu bildirib. Nazir Kristi Noem tərəfindən imzalanan məktubda qeyd olunub ki, bu qərar həm mövcud, həm də gələcək əcnəbi tələbələrə şamil olunur. Nazirlik əlavə edib ki, "Harvard bundan sonra xarici tələbələri qəbul edə bilməz, mövcud əcnəbi tələbələr isə ya universiteti tərk etməli, ya da hüquqi statuslarını itirəcəklər".
Hazırda Harvard Universitetində təxminən 6 800 əcnəbi tələbə təhsil alır ki, bu da ümumi tələbə sayının təqribən 27 faizini təşkil edir. Əcnəbi tələbələrin ödənişləri universitetin maliyyə mənbələri üçün mühüm əhəmiyyət kəsb edir – təhsil haqqı illik 59 320 dollar, yaşayış və digər xərclərlə birlikdə isə 87 000 dollara qədər yüksəlir.
Universitetin mətbuat katibi Ceyson Nyuton açıqlamasında qərarı "qanunsuz" adlandırıb və bildirib ki, Harvard 140-dan çox ölkədən gəlmiş tələbə və alimlərin universitetə və ölkəyə verdiyi töhfələri yüksək qiymətləndirir. O deyib: "Bu cəza xarakterli addım Harvard icmasına və ölkəmizə ciddi zərər vurmaqla yanaşı, universitetin elmi və tədqiqat missiyasını da zəiflədir."
Qeyd edək ki, bu qərar ABŞ Daxili Təhlükəsizlik Nazirliyinin Harvarddan tələb etdiyi genişmiqyaslı sənəd sorğusu ilə bağlı yaranmış hüquqi mübahisələrdən sonra verilib. Universitet administrasiyanın bu addımına qarşı ikinci dəfə məhkəmə iddiası qaldırmağa hazırlaşır.
Mütəxəssislər bu qərarı presedentsiz hesab edir və bildirirlər ki, indiyədək heç bir administrasiya bu səviyyədə universitetin tələbə qəbuluna müdaxilə etməyə çalışmayıb.
Sərvanə Rəmixanova
Köşə yazıları
Xəbər lenti
Bütün xəbərlərAl bumu səbəbindən Android smartfonları köhnə texnologiyalara qayıdacaq
11.03.2026"Apple" yeni emoji təqdim edir: 2026-cı ilin simvolu bu ola bilər
11.03.2026“Münaqişə davam edərsə, neftin qiyməti 200 dollara çatacaq”
11.03.2026Azərbaycanda Təhlükəsiz İdman Komissiyası yaradıldı
11.03.2026Ən çox satılan 5 albom
11.03.2026IEA ölkələri strateji ehtiyatlardan bazara 400 milyon barel neft çıxaracaq
11.03.2026İnzibati cərimələrin qaytarılması qaydası təsdiqlənib
11.03.2026Texnologiya nəhəngləri elektrik şəbəkəsinin yanlış idarə edildiyini deyir
11.03.2026Prezident İlham Əliyev: Biz külək və günəş enerji stansiyalarına böyük sərmayə yatırırıq
11.03.2026İranın "hədəf" siyahısı genişlənir: Texnologiya nəhəngləri və banklar da siyahıdadır
11.03.2026İlham Əliyev Antonio Koşta ilə mətbuata bəyanatlarla çıxış edirlər
11.03.2026Bu şirkət itmiş hava limanı baqajını alıb yenidən satır
11.03.2026İlham Əliyevin Antonio Koşta ilə təkbətək görüşü keçirilib
11.03.2026