Eyni anda bir neçə yerdə işləmək işin keyfiyyətinə necə təsir edir?

Bəzi insanlar başqa bir yerdə işləyə-işləyə digər şirkətlər ilə də əməkdaşlıq edirlər. Bəzən az maaşlı, bəzən isə tam iş kimi əlavə iş götürürlər. Hətta bəzən işəqəbul prosesində başqa iş götülməsin, fokus bura olsun deyilsə də, paraleldə başqa iş götürə bilirlər. 

Bəs eyni anda bir neçə yerdə işləmək işin keyfiyyətinə necə təsir edir?

HR Hunter şirkətinin qurucusu, İnsan Resursları üzrə konsultant İlkin Mirzəzadə deyir ki, qanunvericilik icazə verir ki, əsas iş yerindən əlavə şəxsin başqa iş yerləri olsun. Əlavə iş yerilərinə görə qanunvericilikdə qadağa yoxdur:

“Kifayət edir ki, şəxsin əsas işi ağır və zərərlidirsə, əlavə iş yeri eyni qaydada olmasın. Amma bir şəxs bir şəxs bir neçə işdə eyni anda işləyə bilər. Bu, artıq insanın şəxsi keyfiyyətlərindən asılıdır. Elə ola bilər ki, işin keyfiyyəti aşağı düşsün və ya əksinə. Əgər şəxsin əsas iş yerində iş yükü çoxdursa, əlavə iş götürməsi işin keyfiyyətinə mənfi təsir edə bilər. Əgər iş yükü icazə verirsə, şəxsin başqa iş götürməsi həm əlavə qazanc, həm də motivasiya mənbəyidir. Bəzən olur ki, işçilər əsas iş yerində maaşı az alırlar, amma işlərini müvəqqəti olaraq dəyişmək istəmirlər. Bu onlar üçün kiçik də olsa motivasiya ola bilər”.

Əvəz Həsənov