Əmlak sığortası üzrə 196 milyon sığorta haqqı ödənilib

Cari ilin yanvar-oktyabr aylarında əmlak sığortası üzrə 196 milyon 252 min manat sığorta haqqı ödənilib.

Valyuta.az xəbər verir ki, ötən ilin eyni dövrü ilə müqayisədə bu, 17 milyon  417 min manat və ya 9,7% artım deməkdir.

Ötən ilin yanvar-oktyabr aylarında əmlak sığortası üzrə 178 milyon 835 min manat sığorta haqqı ödənilib.

Bu ilin yanvar-oktyabr aylarında əmlak sığortası üzrə ödənişlər 34 milyon 943 min manat olub ki, bu da keçən ilin eyni dövrü ilə müqayisədə 7 milyon 997 min manat və ya 29,6% artım deməkdir.

Nəzərə çatdıraq ki, ötən ilin yanvar-oktyabr aylarında 26 milyon 946 min manat əmlak sığortası ödənişi həyata keçirilib.

Tənzilə Ağabalayeva