Dünyanın ən qeyri-adi Yeni il adətləri

Dünyanın müxtəlif ölkələrində Yeni ilin gəlişi bənzərsiz və maraqlı adətlərlə qarşılanır. Metalları əritməkdən tutmuş boş çamadanlarla küçəyə çıxmağa qədər .

Valyuta.az həmin ölkələrin yeni ili qarşılama adətlərini təqdim edir. 

1. Yeni ilə “sağ ayaqla girmək” - Argentina

Argentinada insanlar saat 00:00-da mütləq sağ ayaqları ilə bir addım atırlar. İnanca görə, yeni ilə sağ ayaqla başlamaq uğur gətirir.

2. Ağ rəngli geyim - Braziliya

Braziliyalılar Yeni il gecəsi yalnız ağ geyimlərə üstünlük verirlər. Ağ rəngin sülh və firavanlıq gətirdiyinə inanılır. Sahil bölgələrində isə su ilahəsi Lemanjaya hədiyyə kimi kiçik əl işləri qayıqlar hazırlanır.

3. Əritilmiş metal falı - Finlandiya

Finlandiyada Yeni il gecəsi əridilmiş qalay soyuq suya tökülür. Suda yaranan formalar insanın gələcək taleyi kimi yozulur.

4. Qapıya duz səpmək və nar açmaq - Türkiyə

Türkiyədə gecəyarısı bəziləri qapılarının kandarına duz səpir. Bu, evə bərəkət və xoş enerji gətirdiyi düşünülür. Digər ənənəyə görə isə narın partladılaraq açılması bolluq rəmzidir.

5. Qırmızı alt paltarı və mərcimək yeməyi - İtaliya

İtaliyada insanlar Yeni il gecəsi yeni qırmızı alt paltarı geyinir – bu, xoşbəxtlik rəmzidir və mütləq hədiyyə olaraq verilməlidir. Yanvarın 1-də mərcimək yemək isə ilin bərəkətli keçəcəyi deməkdir.

6. Boş çamadanla küçəyə çıxmaq - Kolumbiya

Səyahət arzusunda olan kolumbiyalılar Yeni ildə boş çamadanla küçədə gəzirlər. Bu adətin həmin il çox səyahət gətirdiyinə inanılır.

7. Yeddi dəfə yemək - Estoniya

Estoniyada Yeni il günü insanlar ənənəvi olaraq yeddi dəfə yemək yeyirlər. Bu bolluq ritualları ilin firavanlıqla keçməsi üçün edilir.

8. Yeməklərin içinə sikkə qoymaq - Boliviya

Boliviyada bəzi şirniyyat və tortların içərisinə sikkə qoyulur. Kimin payına sikkə düşərsə, həmin il ona uğur gətirəcəyi düşünülür.

9. “Muñeco” yandırmaq - Panama

Panamada ilin sonunda tanınmış şəxsləri təmsil edən kuklalar – “muñeco”lar hazırlanır. Yeni ilin ilk saatlarında bu kuklalar yandırılır və bununla köhnə ilin mənfi enerjisinin yola salındığına inanılır.

10. Su döyüşləri - Tailand

Tailandda rəsmi Yeni il aprelin ortasında Songkran festivalı ilə qeyd olunur. Minlərlə insan küçələrdə böyük su döyüşlərinə qoşulur. Bu, Buddist təqviminin ən önəmli hadisələrindən biridir və təmizlənmə rəmzi sayılır.

Sərvanə Rəmixanova