Dünyada ən çox istifadə edilən sosial şəbəkələr - Siyahıda “İnstagram” lider, “TikTok” isə...

Bütün dünyada günlük olaraq internetdən istifadə statistikası 6 saat 37 dəqiqədirsə, sosial şəbəkələrdən istifadə isə 2 saat 31 dəqiqədir. Sosial şəbəkələrin istifadəsində isə maraqlı göstəricilər var. 

Valyuta.az “Data.reportal”-a istinadən həmin siyahını təqdim edir.

Dünyada ən çox istifadə edilən sosial şəbəkə “İnstagram”dır.  Sosial şəbəkələrdən istifadə edənlərin 91,8 faizi “İnstagram” istifadəçiləridir. 

İkinci yerdə isə ölkəmizdə də ən çox istifadə edilən “Whatsapp” dayanır. Bu şəbəkədən istifadə edənlər isə 91,2 faizdir.

“Facebook” isə 71 faizlə 3-cü yerdə qərarlaşır. 

Əvvəl “Twitter” indi isə “X” adlandırılan platformadan isə 69,1 faiz insan istifadə edir. 

Daha çox xəbər platforması kimi tanınan “Telegram”dan isə 51,9 faiz şəxs istifadə edir. 

Son dövrlərin məşhur sosial platforması olan “TikTok”  populyarlığına baxmayaraq 6-cı yerdə qərarlaşıb. Dünyada 47,6 faiz insan bu sosial şəbəkədən istifadə edir. 

“Facebook Messenger”dən yazışma platforması kimi isə 47 faiz istifadəçi yararlanır. 

“Pinterest”-dən 38,8 faiz, “Snapchat”-dan isə 31,6 faiz şəxs istifadə edir. 

Xüsusilə iş, müxtəlif biznes sahələri arasında popular olan “LinkedIn”dən isə cəmi 26,1 faiz insan istifadə edir. 

Davud