Dörd ayda Çindən idxal 1,47 milyard dollara çatıb

2026-cı ilin yanvar-aprel aylarında Azərbaycan Çindən 1 milyard 473 milyon 755,38 min ABŞ dolları dəyərində məhsul idxal edib. Bu, ölkənin ümumi idxalının 26,68%-ni təşkil edib.

Valyuta.az xəbər verir ki, ötən ilin eyni dövründə isə Azərbaycana Çindən 1 milyard 401 milyon 899,58 min ABŞ dolları dəyərində məhsul idxal olunmuşdu.

Beləliklə, hesabat dövründə Çindən idxalın həcmi illik müqayisədə 71 milyon 855,8 min dollar və ya 5,1% artıb.

Çin bununla da Azərbaycanın ən böyük idxal tərəfdaşlarından biri olaraq mövqeyini qoruyub.

Tənzilə Ağabalayeva