“Cylake” yeni kibertəhlükəsizlik şirkəti kimi fəaliyyətə başlayıb

ABŞ-da yerləşən yeni kibertəhlükəsizlik şirkəti “Cylake” rəsmi olaraq fəaliyyətə başladığını elan edib. Şirkət süni intellekt əsaslı, məlumat yönümlü və tam suveren təhlükəsizlik həlləri təqdim etməyi hədəfləyir.

Yeni şirkət əsasən böyük korporasiyalar və ciddi tənzimləmələrə tabe olan dövlət və maliyyə qurumları üçün nəzərdə tutulub. Bu tip təşkilatlar yüksək səviyyəli kibertəhlükəsizlik tələb etsələr də, çox vaxt ictimai bulud infrastrukturu ilə işləyən təhlükəsizlik məhsullarından istifadə edə bilmirlər.

Təcrübəli qurucular komandası

“Cylake” kibertəhlükəsizlik sektorunda tanınmış mütəxəssislər tərəfindən yaradılıb. Şirkətin həmtəsisçiləri bunlardır:

Nir Zuk – şirkətin təsisçisi və baş icraçı direktoru

Wilson Xu – mühəndislik sahəsində uzun illər təcrübəyə malik mütəxəssis

Ehud (Udi) Shamir – kibertəhlükəsizlik startaplarının qurucularından biri

Bu şəxslər əvvəllər kibertəhlükəsizlik sektorunun aparıcı şirkətlərindən olan Palo Alto Networks və SentinelOne kimi təşkilatların yaradılmasında və inkişafında mühüm rol oynayıblar.

 “Cylake” platformasının inkişafı iki əsas prinsipə əsaslanır:

1. Tam və vahid məlumat görünüşü

Şirkət hesab edir ki, yeni nəsil süni intellekt əsaslı kibertəhlükəsizlik sistemləri bütün infrastruktur üzrə məlumat və kontekstin tam görünüşünü tələb edir. Müxtəlif təhlükəsizlik məhsullarının parçalanmış şəkildə istifadəsi boşluqlar yarada və hücumlara imkan verə bilər.

2. Tam suverenlik və nəzarət

Bir çox iri təşkilatlar təhlükəsizlik və ya hüquqi səbəblərdən ictimai bulud xidmətlərindən istifadə edə bilmir. “Cylake” bu səbəbdən platformanı tamamilə lokal (on-premises) və ya şəxsi bulud mühitində işləyə biləcək şəkildə hazırlayır.

Şirkətin təsisçisi Nir Zuk bu barədə belə deyib: “Kibertəhlükəsizlik daim dəyişir və bəzən yeni problemlər tamamilə yeni yanaşmalar tələb edir. ‘Cylake’ məlumat və əməliyyatlar üzərində tam nəzarətin vacib olduğu təşkilatlar üçün yaradılıb.”

Süni intellekt əsaslı təhlükəsizlik platforması

Şirkət AI-native adlandırılan yeni nəsil təhlükəsizlik arxitekturası üzərində işləyir. Bu system vahid məlumat platformasına əsaslanacaq, avtomatlaşdırılmış və agent əsaslı təhlükəsizlik prosesləri təmin edəcək, təşkilatlara infrastruktur üzərində tam nəzarət imkanı verəcək, 45 milyon dollarlıq ilkin investisiya əldə edəcək.

Şirkət fəaliyyətinin başlanğıc mərhələsində 45 milyon ABŞ dolları həcmində investisiya cəlb edib. İnvestisiya raunduna əsasən vençur kapital şirkəti Greylock Partners rəhbərlik edib.

“Greylock Partners” şirkətinin tərəfdaşı Asheem Chandna bildirib ki, gələcək kibertəhlükəsizlik sistemləri süni intellekt əsaslı və vahid məlumat platformasına söykənəcək.

“Cylake” hazırda məhsulunu seçilmiş tərəfdaş təşkilatlarla birlikdə inkişaf etdirməyi planlaşdırır. Şirkətin təhlükəsizlik platformasının 2027-ci ilin əvvəlində bazara çıxarılması gözlənilir