"Burger King" əməkdaşların davranışını süni intellektlə ölçəcək

"Burger King" ABŞ-dakı restoranlarında əməkdaşların müştərilərlə ünsiyyətini qiymətləndirmək üçün “Patty” adlı süni intellekt sistemini tətbiq etməyə başlayıb.

Valyuta.az xəbər verir ki, sistem işçilərin qulaqcıqları vasitəsilə danışığını analiz edərək “xoş gəlmisiniz”, “təşəkkür edirəm” kimi ifadələri müəyyənləşdirir və xidmət keyfiyyəti barədə menecerlərə hesabat təqdim edir.

Bundan əlavə, Patty anbar ehtiyatlarını və avadanlıqların işlək vəziyyətini izləyir, problem olduqda rəhbərliyə bildiriş göndərir.

Hazırda 500 restoranda sınaqdan keçirilən sistemin 2026-cı ilin sonuna qədər ABŞ üzrə bütün şəbəkədə tətbiqi planlaşdırılır.

Sərvanə Rəmixanova