"Azkredit"in xalis mənfəəti 23% azalıb

Bank olmayan kredit təşkilatı Azkredit ASC 2025-ci ilin maliyyə nəticələrini açıqlayıb. Hesabata əsasən, şirkətin xalis mənfəəti əvvəlki illə müqayisədə azalıb.

Valyuta.az xəbər verir ki, 2025-ci ildə “Azkredit”in xalis mənfəəti 883,707 manat təşkil edib.

Bu göstərici 2024-cü ildə 1,147,577 manat idi. Nəticədə mənfəət 263,870 manat və ya 23% azalıb.

Şirkətin cəmi aktivləri isə artım nümayiş etdirib. 2025-ci ilin sonunda aktivlər 3,222,212 manat olub ki, bu da illik müqayisədə 0.76% artım deməkdir.

Eyni zamanda, “Azkredit”in cəmi öhdəlikləri də yüksəlib. 2024-cü ildə 828,668 manat olan öhdəliklər 2025-ci ildə 1,035,662 manata çatıb. Bu isə 25% artım deməkdir.

Bank olmayan kredit təşkilatı Azkredit ASC 1 noyabr 2019-cu ildə MMC kimi təsis edilib və sonradan ASC kimi fəaliyyətini davam etdirib. BOKT-un səhmdarı 100% Qurban Əsgərovdur.

Mayya Hüseynova