“AZPULMAT”ın xalis mənfəəti və öhdəlikləri 81,7% azalıb

“AZPULMAT”ın 2025-ci il üzrə maliyyə hesabatı şirkətin əsas maliyyə göstəricilərində azalma olduğunu göstərir.

Valyuta.az xəbər verir ki, 2025-ci il tarixinə şirkətin faiz gəlirləri 18 milyon 617 min 551 manat təşkil edib.

Bu göstərici 2024-cü ilin sonunda 78 milyon 99 min 4 manat olub. Beləliklə, faiz gəlirləri illik müqayisədə 59 milyon 481 min 453 manat və ya 76,2% azalıb.

2025-ci ildə faiz xərci qeydə alınmayıb. Halbuki, 2024-cü ildə şirkətin faiz xərci 648 min 446 manat təşkil etmişdi. 

Şirkətin il üzrə xalis mənfəəti də azalma göstərib. Belə ki, 2025-ci ildə xalis mənfəət 11 milyon 767 min 192 manat olub. 2024-cü ildə isə bu rəqəm 64 milyon 134 min 383 manat təşkil edib.

Bununla da “AZPULMAT”ın xalis mənfəəti illik müqayisədə 52 milyon 367 min 191 manat və ya 81,7% azalıb.

Maliyyə hesabatına görə, şirkətin cəmi aktivləri 12 milyon 503 min 210 manat və ya 16,1% azalaraq 2025-ci ilin sonunda 64 milyon 925 min 906 manat təşkil edib. 2024-cü ilin sonunda isə bu göstərici 77 milyon 429 min 116 manat olub.

Hesabat dövründə şirkətin cəmi öhdəlikləri isə 1 milyon 177 min 217 manat təşkil edib. 2024-cü ildə bu göstərici 6 milyon 447 min 619 manat olub.

Beləliklə, “AZPULMAT”ın cəmi öhdəlikləri illik müqayisədə 5 milyon 270 min 402 manat və ya 81,7% azalıb.

Mayya Hüseynova