Azərbaycana əczaçılıq məhsullarının idxalı azalıb, ixracı isə artıb

​Bu ilin yanvar-fevral aylarında Azərbaycan 87 milyon 957 min ABŞ dolları dəyərində əczaçılıq məhsulları idxal edib. Bu dövrdə ixrac edilən əczaçılıq məhsullarının dəyəri isə 622,96 min ABŞ dolları təşkil edib.

​Valyuta.az Dövlət Gömrük Komitəsinə istinadən xəbər verir ki, idxal 2025-ci ilin eyni dövrü ilə müqayisədə 2,94% və ya 2 milyon 672,96 min dollar azalıb.

​İxracda isə ötən ilin müvafiq dövrü ilə müqayisədə 19,77% və ya 102,85 min dollar artım qeydə alınıb.

​Qeyd edək ki, 2025-ci ilin yanvar-fevral aylarında Azərbaycana 90 milyon 629,96 min dollar dəyərində əczaçılıq məhsulu idxal edildiyi halda, ixracın həcmi 520,11 min dollar olub.

Tənzilə Ağabalayeva