Azərbaycan otelləri ən çox nədən qazanır?

2025-ci ilin yanvar-sentyabr aylarında Azərbaycanda mehmanxana (hotel) və mehmanxana tipli obyektlərin əldə etdikləri gəlirlərin strukturu məlum olub.

Valyuta.az xəbər verir ki, bu dövrdə sözügedən obyektlərin ümumi gəlirləri 494 milyon 158 min manat təşkil edib.

Statistikaya əsasən, otellər ən çox gəliri nömrələrin satışı hesabına əldə ediblər. Bu xidmət üzrə gəlirlər 308 milyon 343,6 min manat olub.

Bundan əlavə:

İaşə xidmətlərindən 132 milyon 598,3 min manat gəlir əldə edilib.

Müalicə-sağlamlıq xarakterli xidmətlərdən gəlirlər 13 milyon 877,6 min manat təşkil edib.

Konfrans zallarının təqdim edilməsi xidmətlərindən 5 milyon 990,6 min manat gəlir qeydə alınıb.

Ekskursiya xidmətlərindən əldə olunan gəlir 94,6 min manat olub.

Digər xidmətlərdən isə 33 milyon 253,3 min manat gəlir əldə edilib.

Açıqlanan rəqəmlər göstərir ki, 2025-ci ilin ilk 9 ayında otellərin gəlirlərində əsas payı nömrələrin satışı və iaşə xidmətləri formalaşdırıb.

Sərvanə Rəmixanova