“Aqrarkredit” BOKT 7 əmlakını hərraca çıxarır - Qiymətlər

Azərbaycanın ən böyük bank olmayan kredit təşkilatlarından biri olan “Aqrarkredit” BOKT-un balansında olan 7 əmlak üzrə hərrac keçiriləcək.

Valyuta.az xəbər verir ki, satışa çıxarılan əmlaklardan 1-i fərdi yaşayış evi, 6-sı isə qeyri-yaşayış sahəsidir.

Fərdi yaşayış evi Bakı şəhəri, Suraxanı rayonu, Qaraçuxur qəsəbəsində yerləşir. Həmin əmlakın başlanğıc qiyməti 250 min manat müəyyən edilib.

Hərraca çıxarılan qeyri-yaşayış sahələrinin qiyməti isə 278 min manatdan başlayaraq 369 min manata qədər dəyişir.

Qeyd edək ki, sözügedən əmlakların satışı üzrə hərrac 18 mart 2026-cı il tarixində keçiriləcək.

Sərvanə Rəmixanova