Android dünyasında süni intellekt dəstəkli kiber hücum dövrü başladı

Kiber hücumçular Android cihazları hədəf alan metodlarını inkişaf etdirərək istehsalçı süni intellektdən istifadə edən zərərli proqramlar hazırlamağa davam edir. 

Valyuta.az xəbər verir ki, ESET mütəxəssisləri yeni nəsil fırıldaqçı üsullara qarşı xəbərdarlıq edir.

ESET tərəfindən paylaşılan məlumatlara görə, Android ekosistemində istehsalçı süni intellektdən faydalanan zərərli proqramlar və NFC texnologiyasını sui-istifadə edən yeni hücum növləri ortaya çıxıb. Aşkarlanmış hallarda, cihazda qalıcı olmaq üçün süni intellektdən istifadə edən və deaktiv edilməsi çətinləşdirilmiş proqramlar diqqət çəkir.

Siber risklər arasında “NGate” adlandırılan və NFC məlumatlarını hədəf alan hücumlar, həmçinin “Nomani” adlı deepfake dəstəkli kampaniyalar öndədir. Süni intellekt vasitəsilə hazırlanmış bu məzmunlar istifadəçi etibarını sui-istifadə edərək aşkarlanmasını çətinləşdirir. Ekspertlər xüsusilə məşhur şəxslərin adı ilə yayılan yüksək gəlir vəd edən investisiya təkliflərinə qarşı diqqətli olmağı tövsiyə edir.

İnkişaf etmiş hücum texnikalarına baxmayaraq, dolandırıcılığın böyük hissəsi hələ də insan qarşılıqlı təsiri tələb edir. Bu çərçivədə siber təhlükəsizlik mütəxəssisləri istifadəçilərə kritik tövsiyələr verir:

* Təzyiq və təcili vəziyyətlər: Gözlənilməz zənglər zamanı sakit qalmaq, zəng edən şəxsin kimliyini aidiyyəti qurumdan birbaşa təsdiqləmək vacibdir. Kripto pul və izlənilməsi çətin metodlarla ödəniş tələb olunması güclü dolandırıcılıq göstəricisidir.

* Tətbiq mənbələri və icazələr: Proqramlar yalnız rəsmi mağazalardan yüklənməli, quraşdırma zamanı tələb olunan giriş və icazələr (məsələn, əlaqə siyahısı) diqqətlə yoxlanmalıdır.

* Cihaz əlamətləri: Qeyri-adi yüksək istilik, sürətli batareya istehlakı və icazəsiz açılan pəncərələr zərərli proqram əlaməti ola bilər.

Təhlükələrə qarşı ilk müdafiə xətti istifadəçi məlumatlılığıdır, lakin texniki qorunma üsullarını da diqqətə almaq lazımdır. “ESET Mobile Security” kimi Android əsaslı həllər; identifikasiya oğurluğunu bloklama, ödəniş qoruması və reklam proqramlarını aşkar etmə kimi funksiyalarla bu prosesə dəstək verir. Əməliyyat sistemlərinin müntəzəm yenilənməsi və süni intellekt dəstəklı təhlükəsizlik vasitələrinin istifadəsi yeni nəsil təhlükələri erkən mərhələdə dayandırmaq üçün əsas addımlar arasında sayılır.

Paşa Məmmədli