"Honda" elektromobil planını dayandırdı: 3 model ləğv edildi, milyardlarla zərər var

"Honda" avtomobil dünyasını təəccübləndirən bir qərar verib. 

Valyuta.az xəbər verir ki, şirkət xüsusilə Şimali Amerika bazarı üçün hazırladığı üç yeni elektrikli avtomobil layihəsini tamamilə ləğv edib. İnkişaf və təqdimat planları dayandırılıb, layihələr artıq təxirə salınıb. Bu qərar sektor daxilində böyük əks-səda doğurub, çünki "Honda" bu modelləri elektrikli transformasiyanın mühüm addımı kimi təqdim etmişdi.

Milyardlarla zərər

Şirkət qərarın maliyyə təsirini açıqlayıb. Rəqəmlər olduqca yüksəkdir. "Honda"nın açıqlamasına görə, ləğvlər və strategiya dəyişikliyi ciddi zərər yaradacaq. Təxmini zərər 420 milyard ilə 690 milyard yen arasında qiymətləndirilir.

Bu rəqəm təxminən 2,6 ilə 4,3 milyard dollar deməkdir. Zərərin 2026-cı ilin mart ayının sonunda maliyyə hesabatlarına əks olunması gözlənilir.

Ləğv edilmiş modellər və layihələr: Nəyi dayandırdı?

"Honda"nın ləğv etdiyi layihələr markanın elektrikli gələcəyinin əsas sütunları hesab olunurdu:

* "Honda Prologue Gen-2": Mövcud "Prologue" modelinin varisi kimi planlanan və tamamilə yeni proqram təminatı memarlığı ilə gələcək ikinci nəsil SUV layihəsi dayandırılıb.

* "Acura ZDX Type S Performance": Lüks seqmentdə "Tesla Model X" və "Audi e-tron" ilə rəqabət aparması planlanan yüksək performanslı elektrikli SUV layihəsi ləğv edilib.

* Ucuz “Global EV” platforması: GM (General Motors) ilə birgə hazırlanmış və 30.000 dollar altı qiymətlə “hər kəs üçün elektrikli avtomobil” vizyonunu daşıyan kompakt hatchback layihəsindən tamamilə çəkilib.

Qərarın arxasında üç əsas səbəb

1. Elektrikli avtomobil tələbi gözlənildiyindən daha zəifdir

Şimali Amerikada elektrikli avtomobillərin satışı gözlənilən sürətlə artmadı, dövlət təşviqləri də azalıb. Bu, istehsalçıların planlarını çətinləşdirir və Honda layihələri yenidən qiymətləndirib.

2. Proqram təminatında sərt rəqabət

Çin istehsalçıları proqram təminatında sürətlə irəliləyir. Xüsusilə proqram təminatına əsaslanan SDV model avtomobillər bazarı dəyişdirir. Honda-nın mövcud elektrikli avtomobil planı bu yarışda zəif qaldı və yeni strategiyaya ehtiyac duyulub.

3. Artan xərclər

ABŞ-dakı gömrük rüsumları artıb, istehsal xərcləri yüksəlib. Bu, bəzi layihələrin gəlirli olmasını çətinləşdirirdi. Honda riskli investisiyaları dayandırıb.

Üst rəhbərlik maaş azaldılmasını qəbul etdi

Qərardan sonra şirkət rəhbərliyi məsuliyyəti üzərinə götürdü. Honda baş direktoru və vitse-prezidenti maaşlarının 30%-indən imtina edəcək. Bu azalma üç ay davam edəcək. Şirkət bu addımla strateji səhvin məsuliyyətini qəbul etdiyini göstərib.

Yeni yol xəritəsi: hibrid ağırlıqlı plan

"Honda" tamamilə geri çəkilmir, lakin strategiyanı dəyişir. Şirkət daha çevik plan izləyəcək. Hibrid avtomobillər və yeni nəsil platformalar ön plana çıxacaq. Bu planın mərkəzində “0 Series” adlı yeni avtomobil ailəsi yer alır. Elektrikli avtomobil yarışı davam edir, lakin "Honda" indilik daha ehtiyatlı davranır.

Böyük istehsalçıların geri çəkilməsi nə deməkdir?

Son iki ildə texnologiya dünyasının ən böyük vədi olan “tamamilə elektrikli gələcək” ssenarisi, iri istehsalçıların addım-addım geri çəkilməsi ilə sual altına düşür. "Honda"nın bu addımı yalnız qənaət tədbiri deyil, həm də bazarın doyum nöqtəsinə çatdığını və infrastruktur çatışmazlığının (şarj stansiyaları, batareya xərcləri) sektoru yavaşlatdığının ən aydın göstəricisidir.

Paşa Məmmədli