“Aqrar Sığorta” ASC-nin ödənişləri 11,9 dəfə azalıb

Bu ilin yanvar ayında “Aqrar Sığorta” ASC 8 milyon 949 min manat həcmində sığorta haqqı toplayıb.

Valyuta.az Mərkəzi Banka istinadən xəbər verir ki, bu, 2025-ci ilin eyni dövrü ilə müqayisədə 1 milyon 336 min manat və ya 17,55 % çoxdur. Ötən ilin hesabat dövründə sığorta şirkəti 7 milyon 613 min manat sığorta haqqı toplayıb.

2026-cı ilin hesabat dövründə şirkətin ödənişlərinin həcmi 76 min manat olub ki, bu da illik müqayisədə 11,9 dəfə azdır (831 min manat az).

2025-ci ilin hesabat dövründə “Aqrar Sığorta” ASC-nin ödənişlərinin həcmi 907 min manat təşkil edib.

Tənzilə Ağabalayeva