Redaktor
"ABB"yə 1000 manat qoysaq, nə qədər qazanarıq? - Aylıq, İllik qazanc
Azərbaycanda bank depozitlərinə maraq artmaqda davam edir. Vətəndaşlar üçün ən aktual məsələlərdən biri yerləşdirilən vəsaitin nə qədər gəlir gətirməsidir.
Valyuta.az "ABB"də "Klassik əmanət" şərtlərinə əsasən 1 000 manat depozit yerləşdirilməsi zamanı əldə olunan aylıq və illik qazanc məbləğini hesablayıb.
Qeyd edək ki, depozit gəlirləri ilə bağlı vergi məsələləri də mühüm rol oynayır. Mövcud qaydalara əsasən, bank depozitləri üzrə faiz gəlirləri ümumilikdə vergiyə cəlb olunsa da, müəyyən güzəştlər tətbiq edilir. Depozitlər müddətinə görə qısa və uzun müddətli olmaqla fərqləndirilir.
Qısa müddətli depozitlər 18 aydan az müddətə yerləşdirilən vəsaitlərdir və bu halda aylıq faiz gəlirinin 200 manata qədər olan hissəsi vergidən azaddır. Bu məbləği aşan hissəyə isə vergi tətbiq olunur. Uzun müddətli depozitlər isə 18 ay və daha çox müddətə yerləşdirilən vəsaitləri əhatə edir. Bu halda, depozit vəsaiti 18 aydan tez geri götürülmədikdə, əldə olunan faiz gəlirlərinin tam hissəsi vergidən azad edilir. Lakin vəsait müddət tamamlanmadan çıxarıldıqda, bu güzəşt qüvvədən düşür və yalnız 200 manatadək hissəyə tətbiq edilən vergi azadolması qüvvədə qalır.
Bu qaydalar Vergi Məcəlləsinə əlavə edilmiş 102.1.22-3 və 102.1.22-4-cü maddələrdə əksini tapıb.
| "ABB"də 1000 manat depozit yerləşdirmək | |||||
|---|---|---|---|---|---|
| Müddət | Aylıq faiz | Aylıq qazanc | Müddətin sonu faiz | Müddətin sonunda qazanc | Müddətin sonunda ümumi məbləğ |
| 3 ay | 8% | 20,00 | 8% | 20,00 | 1 020,00 |
| 6 ay | 8,5 % | 42,50 | 9% | 45,00 | 1 045,00 |
| 12 ay | 8,5 % | 85,00 | 9,5 % | 95,00 | 1 095,00 |
| 18 ay | 9% | 135,00 | 10% | 150,00 | 1 150,00 |
| 24 ay | 9% | 180,00 | 10% | 200,00 | 1 200,00 |
| 36 ay | 8,5 % | 255,00 | 9,5 % | 285,00 | 1 285,00 |
| 09.04.2026 | |||||
Mayya Hüseynova
