“AtaLizinq”in icra orqanına yeni rəhbər təyin olunacaq

"AtaLizinq” ASC-nin səhmdarlarının növbədənkənar ümumi yığıncağı keçiriləcək.

Valyuta.az xəbər verir ki, yığıncağın gündəliyinə Cəmiyyətin icra orqanı rəhbərinin vəzifə səlahiyyətlərinə öz ərizəsi əsasında xitam verilməsi, Cəmiyyətin yeni redaksiyada nizamnaməsinin qəbul edilməsi və Cəmiyyətin icra orqanına yeni rəhbərin təyin edilməsi, Cəmiyyətin təsis sənədlərində edilmiş dəyişikliklərin və reyestrdə qeydə alınmış faktların sonrakı dəyişikliyinin dövlət qeydiyyatına alınmasının təmin edilməsi və digər məsələlər dayanır.

 Gündəliyə daxil edilmiş məsələlərlə Bakı şəhəri, Nəsimi rayonu, Süleyman Rüstəm küçəsi 9 ünvanında tanış olmaq olar.

Xatırladaq ki, şirkət 2006cı ildə yaradılıb, qanuni təmsilçisi Qəhrəmanov Ayaz Amil oğludur. ASC-nin nizamnamə kapitalı 1 milyon manatdır.

Əvəz Həsənov