Banklar sahibkarlara nə qədər kredit verib? - MƏBLƏĞLƏR

2026-cı ilin yanvar ayında ölkədə biznes kreditləri üzrə ümumi portfel 15 milyard 948.9 milyon manat təşkil edib.  

Valyuta.az xəbər verir ki, bu göstərici əvvəlki illə müqayisədə 1 milyard 239 milyon manat və ya 8.42% çoxdur. 

2025-ci ilin yanvar ayında ümumi biznes kreditlərinin həcmi 14 milyard 709.9 milyon manat olub.   

Hesabat dövründə sahibkarlıq subyektləri üzrə kredit bölgüsünə nəzər saldıqda, bütün kateqoriyalar üzrə artım qeydə alınıb.   

İri sahibkarlığa verilmiş kreditlərin həcmi 2025-ci ilin yanvar ayında 8 milyard 255.7 milyon manat olduğu halda, 2026-cı ilin yanvar ayında bu rəqəm 8 milyard 347.0 milyon manata yüksəlib. Nəticədə artım  91.3 milyon manat və ya 1.1 % təşkil edib. 

Orta sahibkarlıq subyektlərinə yönəldilən kreditlər 2025-ci ildə 1 milyard 865.4 milyon manat səviyyəsində olub. 2026-cı ildə isə bu göstərici 2 milyard 245.6 milyon manata çatıb. Beləliklə, bir il ərzində bu sahədə 380.2 milyon manat və ya 20.38% artım müşahidə olunub.

Kiçik sahibkarlığa ayrılan kreditlər 1 milyard 540.3 milyon manatdan 1 milyard 695.2 milyon manata, mikro sahibkarlıq subyektlərinə verilən kreditlərin həcmi isə 3 milyard 48.5 milyon manatdan 3 milyard 661.1 milyon manata yüksəlib.

Mayya Hüseynova