2024-cü ildə Azərbaycanda 2 milyon 507,7 min baş iribuynuzlu mal-qara qeydə alınıb.

Valyuta.az Dövlət Statistika Komitəsinin açıqladığı məlumatlara istinadən xəbər verir ki, bu, son on ilin göstəriciləri ilə müqayisədə 189,8 min baş azdır. 2015-ci ildə Azərbaycanda 2 milyon 697,5 min baş iribuynuzlu mal-qara qeydə alınıb.

Bundan başqa, bu il qoyun və keçilərin sayı 7 milyon 60,6 min baş olub ki, bu da, on il əvvəllə müqayisədə 1 milyon 584,8 min baş azdır. 2015-ci ildə bu say 8 milyon 645,5 min idi.

Bunlarla yanaşı, son on ildə donuzların sayı 1,3 min baş, atların sayı 22,3 min baş, eşşəklərin sayı 25,1 min baş, qatırların sayı 100 baş azalıb. Dəvələrin sayı 100 baş, arı ailələrinin sayı isə 354,3 min vahid artıb.

Əvəz Həsənov