Satın alınmaması tövsiyə olunan 5 Android planşeti seçildi - SİYAHI

Android planşetləri tez-tez "iPad" üçün ucuz alternativ kimi görünür, amma bir çox insan keyfiyyətli görünən cihazı aldıqdan sonra məyus olur.

Valyuta.az xəbər verir ki, "Slash Gear" nəşri "Amazon" və "Reddit"də istifadəçilərin rəylərinə əsaslanaraq, satın alınmaması tövsiyə olunan 5 Android planşetini seçib:

"DigiLand 2025" - Kağız üzərində cihaz maraqlı görünür: FHD ekran, Helio G99 çipi, 16 GB RAM, 256 GB yaddaş, qiymət $142. Amma sürprizlər burada başlayır: rəsmi saytda Wi-Fi 6 dəstəyi göstərilir, amma faktiki olaraq yoxdur.

Bir istifadəçi dərindən araşdırıb və görüb ki, bu, sadəcə Onn 10011027 modelinin başqa marka altında satılması kimi görünür. Qəribəsi isə odur ki, ön kamera və Android 14 olmasına baxmayaraq, üz tanıma ilə kilidi açmaq mümkün deyil.

"Samsung Galaxy Tab A8" - "Samsung" kimi nəhəngdən daha yaxşısı gözlənilirdi. 238 dollar qiymətində model özlüyündə pis deyil, amma "Samsung" üçün çox zəifdir.

Əsas konfiqurasiya 3 GB RAM və 32 GB yaddaşdır ki, bu heç bir iş üçün yetərli deyil. Ekran gözəldir, amma LCD-dir, OLED deyil, günəş altında kifayət qədər parlaq deyil.

"Lenovo Tab M8" (2023) - Bu model bütün zəif cəhətləri açıq göstərir: Helio A22 çipi, 2 GB RAM, 32 GB yaddaş, HD ekran. İstifadəçilər deyir ki, bu planşetdə "YouTube" belə yavaş açılır, oyunlar isə tamamilə unutmaq lazımdır.

"TCL NxTpaper 11" - TCL oxucu və planşeti birləşdirməyə çalışıb. Mat ekran gözləri qoruyur və oxumaq üçün rahatdır. Amma eyni ekran video izləmək üçün tam yararsızdır.

TCL NxTpaper 11-də Helio P60T çipi, 6 GB RAM var, amma planşet demək olar ki, yarım dəqiqəyə yüklənir və tətbiqlərin açılması hələ də yavaşdır. 8000 mAh batareya yaxşıdır, amma 3,5-4 saatda doldurulur.

"Lenovo Tab P11 Plus (2021) - Texniki xüsusiyyətlərə görə planşet güclü görünür: Helio G90T, 4/128 GB, 2K ekran. Amma istifadəçilər səyyahət zamanı donmalar kimi əsas problemlərdən şikayət edirlər.

Ən böyük problem isə yeniləmələrdir. Kiminsə Android 12 quraşdırıla bilmir, başqalarının planşeti dövri səhvlərə düşür və ya bloklanır.

Paşa Məmmədli