Masallıda abadlıq işləri aparılacaq

"Masallı Rayon İcra Hakimiyyəti Başçısının Masallı şəhər üzrə nümayəndəliyi" tərəfindən Masallı şəhərin müxtəlif küçələrində abadlıq işlərinin görülməsi məqsədilə bir neçə müsabiqə elan edilib.

Valyuta.az xəbər verir ki, M.Şəhriyar küçəsinin qalan 440 metrlik hissəsində abadlıq işlərinin görülməsi üçün keçiriləcək müsabiqədə ehtimal olunan qiymət 51 951 manatdır.

Şəhər ərazi nümayəndəliyinə gedən küçədə aparılması nəzərdə tutulan abadlıq işlərinin qiyməti isə 25 611 manat olaraq göstərilib.

Digər tenderlərdən biri Şəhid Elnur Əsədullayev küçəsinin qalan 280 metrlik hissəsində abadlıq işlərinin həyata keçirilməsini əhatə edir. Bu işlərin ehtimal olunan dəyəri 32 236 manatdır. Həmçinin, Şəhid Emin Əliyev küçəsinin qalan 180 metrlik hissəsində aparılacaq abadlıq işləri üçün müəyyən edilən məbləğ 29 148 manatdır.

Bütün tenderlərin ümumi ehtimal olunan dəyəri 138 946 manatdır.

Hər dörd müsabiqə üzrə təkliflərin təqdim olunması üçün son tarix 3 dekabrdır.

Mayya Hüseynova