Kommunal xərcləri çıxın görün bu pulla pensiyaçı yaşaya bilərmi? - Deputat

Azərbaycanda minimum əmək haqqı və minimum pensiya artırılamlıdır .

Valyuta.az xəbər verir ki, bunu Milli Məclisin deputatı Qüdrət Həsənquliyev deyib. 

"Mimumum əmək haqqının, mimumum pensiyaların aşağı həddi artırılmalıdır. Kommunal xərcləri çıxın görün bu pulla pensiyaçı yaşaya bilərmi? Elə etməliyik ki, işsiz insalara yardımlar əlçatan olsun. Həmçinin gələn il seçkilər olacaq. Mediaya və QHT-lərə dəstək artırılmalıdır. Ölkənin həyatında vətəndaş inustutlarının rolu vacibdir”, -deputat Milli Məclisdə noyabrın 3-də keçirilən Hüquq siyasəti və dövlət quruculuğu, İnsan huquqları, Müdafiə, təhlükəsizlik və korupsiya ilə mübarizə, Beynəlxalq münasibətlər komitəsinin birgə iclasında çıxışı zamanı deyib.

Deputat polislərin maaşının yenidən artırılmasının vacibliyini bir daha xatırladıb. Bildirib ki, gizli sorğular nəticəsində belə bir nəticə əldə edib. 

Həsənquliyev həmçinin qeyd edib ki, ölkədə hakimlərin az olması problemdir.

"Azərbaycanda Avropa ilə müqayisədə hakimlərin sayı azdır. Qonşu Türkiyə ilə müqayisədə isə 70 dəfə azdır. Bu yaxınlarda nazir Sahil Babayev çıxışlarında bildirib ki, ölkədə hüquqşünasdan çox aqronama ehtiyac var. Bunu bir nazirin deməsi nə qədər doğrudur bilmirəm. Amma ölkədə hüquqşünas çatızmağlığı var. Təklif edirəm ki, Xankəndində hüquq universiteti açılsın”, - deputat əlavə edib.

©Anews