ABŞ-da dünyanın ilk tam şəffaf monitoru təqdim edildi

ABŞ-ın "Visual Instruments" şirkəti "Phantom" adlı qeyri-adi monitorunu nümayiş etdirib. Bu monitor dünyada ilk şəffaf kompüter ekranı kimi təqdim olunur.

Valyuta.az xəbər verir ki, OLED panellərdən fərqli olaraq, məsələn, "Samsung"un şəffaf ekranlarından, "Phantom" texnologiyası aviasiya HUD-displeylərinə bənzəyir – görüntü şüşəyə güzgü sistemi vasitəsilə proyeksiya olunur - teleprompterlərdə olduğu kimi.

Cihaz dinamik şəffaflığa malikdir – istifadəçi ekranın nə qədər şəffaf olacağını əl ilə tənzimləyə bilər, hətta tam qeyri-şəffaf vəziyyətə gətirmək mümkündür. Şirkət minimum 3 şəffaflıq rejimi vəd edir.

"Visual Instruments" həmçinin monitorun göz üçün faydalarını vurğulayır – görüntüyü şüşə vasitəsilə izləməyin göz yorğunluğunu azaltdığı iddia edilir. Lakin bu, şübhəli bir iddiadır, çünki insan gözü obyektə fokuslanmaq məcburiyyətindədir, şəffaf olub-olmamasından asılı olmayaraq.

"Phantom"un xüsusiyyətləri:

* Diaqonal: 24 düym
* Ölçü: 4K (16:9)
* Parlaqlıq: 5000 nit-ə qədər
* Rəng gamut: 100% sRGB
* Portlar: USB-C və HDMI; PC, konsollar və smartfonlarla uyğunluq

Hazırda yalnız 10 ədəd hazırlanıb, onlardan 3-ü artıq rezervasiya edilib. Qiymət açıqlanmır, amma istehsalçıya görə "Apple Studio Display" səviyyəsində olacaq (təxminən 1600 dollar). Bütün cihazlar ABŞ-da yığılır və tədarük 2025-ci ilin dördüncü rübünə planlaşdırılıb.

Paşa Məmmədli