Varlı insanlar, nüfuzlu universitetlərin məzunları və axtarılan mütəxəssislər daim artan vergilər və artan daşınmaz əmlak qiymətləri səbəbindən Kaliforniyanı kütləvi şəkildə tərk edirlər. 

Valyuta.az xəbər verir ki, bu barədə The Los Angeles Times məlumat yayıb.

Dövlət büdcəsi analitiklərinin fikrincə, növbəti maliyyə ilində ABŞ-ın ən zəngin ştatının büdcə kəsiri rekord həddə çatacaq - 68 milyard dollar. Belə rəqəmlər varlı kaliforniyalıların və şirkətlərin vergilərin və ekoloji tələblərin aşağı olduğu digər ştatlara kütləvi şəkildə köçməsi ilə bağlıdır. Zənginlərin miqrasiyası ilə yanaşı, dövlət xəzinəsinə vergi daxilolmaları da azalır.

Şirkətlərin ştatı tərk etməsi də işsizliyin artmasına və yerli sakinlərin gəlirlərinin azalmasına səbəb olub. İlon Maskın getdiyi və Tesla şirkətini köçürdüyü Texas və Florida köçmək üçün ən populyar ştatlardır. Tennessi və Nevada ştatları reytinqdə bir qədər aşağıdır - məsələn, Tennessidə varlı kaliforniyalıları şəxsi gəlir vergisinin olmaması cəlb edir.

Kaliforniyanı tərk edən şirkətlərin əhəmiyyətli bir hissəsini texnologiya nəhəngləri təşkil edir. Onlar yüksək texnologiyanın ümumi məhsulunun əhəmiyyətli hissəsini təşkil etdiyi bir ştat üçün çox vacibdir.

Nicat