Rusiyanın Nazirlər Kabineti yumurtanın qiymətinin sabitləşməsi üçün tədbirlər hazırlayıb.

Valyuta.az xəbər verir ki qiymət artımının dayandırılması üçün idxalın artırılması imkanlarını qiymətləndirmək tapşırılıb.

İlin əvvəlindən Rusiyada yumurta 21 faizdən çox, təkcə oktyabrda 13 faizdən çox bahalaşıb. Buna səbəb artan tələbatdır: ətin bahalaşması səbəbindən alıcılar daha sərfəli protein mənbəyi olan olan yumurtanı seçirlər.

Bundan əvvəl Rusiya Kənd Təsərrüfatı Nazirliyi 2023-cü il dekabrın 1-dən 2024-cü il mayın 31-dək müəyyən növ quş ətinin Rusiyadan ixracına müvəqqəti qadağa qoyulmasını təklif etmişdi. Bundan əlavə, eyni müddətə yumurtanın ixracına qadağa qoyulması təklif edilib. Nazirlikdən bildirilib ki, bu tədbirlər sosial əhəmiyyətli məhsulların istehlak qiymətlərinin artmasının və qıtlığın qarşısını almaq məqsədi daşıyır.

"Rosstat"ın məlumatına görə, ilin əvvəlindən noyabrın 7-dək toyuq əti 29,66%, toyuq yumurtası isə 21,16% bahalaşıb. Bununla yanaşı, Rusiyada 10 ay ərzində ərzaq məhsullarının qiymətlərinin illik artımı 3,67% təşkil edib. 

© Marja