"YouTube" canlı yayımlarda reklam qaydalarını dəyişir

“YouTube” canlı yayımlarda reklam strategiyasını yeniləyib. Yeni qaydalara əsasən, izləyici aktivliyinin ən yüksək olduğu anlarda reklamlar avtomatik dayandırılacaq.

Valyuta.az xəbər verir ki, sistem canlı videoda aktivliyin artdığını müəyyən etdikdə reklamları müvəqqəti dayandıracaq. Məqsəd vacib anlarda yayımın bölünməsinin qarşısını almaqdır.

Bundan əlavə, “Super Chat” və “Super Stickers” alan izləyicilər qısa müddətlik reklamsız izləmə imkanı əldə edəcəklər.

Qeyd edək ki, şirkət reklamları tam ləğv etmir, sadəcə onları daha sakit vaxtlarda göstərməyi planlaşdırır. Bu addım izləyici təcrübəsini yaxşılaşdırmaq və gəlirləri artırmaq məqsədi daşıyır.

Sərvanə Rəmixanova