Yapon investisiya firması 108 ədəd "Bitcoin" alıb - Məbləğ

Yapon investisiya şirkəti "Metaplanet"  6,7 milyon dollara daha 108 BTC satın alaraq "Bitcoin" yığımını daha da artırıb.

Valyuta.az-ın məlumatına görə, bununla da "Metaplanet"in ümumi aktivləri 40 milyon dolları ötür. Bu son satınalma ilə" Metaplanet"-in ümumi "Bitcoin" yığımların sayı 639 BTC-ə çatıb ki, bu da cari bazar qiymətləri ilə təxminən 40,6 milyon dollar dəyərindədir.

Tokioda siyahıya alınmış şirkət bu gün açıqlayıb ki, son "Bitcoin" alışının orta qiyməti BTC üçün 9,19 milyon yen (61 880 dollar) təşkil edib.
"Metaplanet" kriptovalyutanı bu ilin əvvəlində strateji xəzinə ehtiyat aktivi kimi qəbul edərək, son bir neçə ay ərzində davamlı olaraq "Bitcoin" toplayır. May ayında şirkət "Bitcoin" alış çılğınlığına başlayıb. 

"Metaplanet"in "Bitcoin"ə davamlı investisiyası onun həm ehtiyat aktiv, həm də opsion kimi maliyyə alətləri vasitəsilə mənfəət mənbəyi kimi dünyanın ən böyük kriptovalyutasının uzunmüddətli potensialına inamını vurğulayır.

Əvəz Həsənov