Turizm sektorunda nə baş verir? – Sahə ciddi kəsirlərlə üz-üzə qalıb

2021-ci ilin I yarımilində qarşılıqlı turizm xidmətlərinin dövriyyəsi 2.2 dəfə azalaraq 252.1 milyon ABŞ dolları təşkil edib.

Valyuta.az xəbər verir ki, bu barədə məlumat Azərbaycan Mərkəzi Bankının yaydığı hesabatda açıqlanıb. 

Sənədə görə, hesabat dövründə turizm xidmətləri üzrə ixrac 63.6 milyon dollar, idxal isə 188.5 milyon dollar olmaqla 124.9 milyon dollarlıq kəsir yaranıb. 

Bu dövrdə xaricə səfər edən Azərbaycan vətəndaşlarının sayı 3.3 dəfə, Azərbaycana gələn xarici vətəndaşların sayı isə 2.1 dəfə azalıb.

Xarici ölkələr tərəfindən Azərbaycan rezidentlərinə turizmlə bağlı göstərilən xidmətlərin həcmi 188.5 milyon dollar olub. Bunun 90.2%-i Azərbaycan vətəndaşlarının şəxsi səfərləri ilə bağlı olub (məkik idxal üçün vəsaitlər istisna olmaqla).

Hesabat dövründə qeyri-neft sektoru üzrə qeyri-rezidentlərə göstərilən tikinti xidmətlərinin həcmi 4.2 dəfə azalaraq 1.7 milyon dollar təşkil edib. 

Qeyri-neft sektoru üzrə qeyri-rezidentlərə ödənilən digər işgüzar xidmətlərin həcmi isə 42.7% artaraq 418 milyon dollar olub.

Rövşən Ziya