Süni intellektlə video istehsal edən startapın dəyəri 1,3 milyard qiymətləndirildi

Süni intellektlə video istehsalı üzrə fəaliyyət göstərən "Higgsfield" əlavə 80 milyon dollar investisiya cəlb edib. 

Valyuta.az xəbər verir ki, bununla da şirkətin A seriyasında 130 milyon dollara çatıb, bazar dəyəri isə 1,3 milyard dollar olaraq qiymətləndirilib.

Startap Aleks Maşrabov tərəfindən təsis olunub. Platforma 9 ay ərzində 15 milyondan çox istifadəçiyə çatıb və illik 200 milyon dollarlıq gəlir tempinə yüksəlib.

Şirkət bildirir ki, məhsul əsasən peşəkar sosial media marketoloqları tərəfindən istifadə olunur. İnvestorlar arasında "Accel", "Menlo Ventures" və digər fondlar yer alır.