“SOCAR Polymer”in ixrac gəlirləri 90 milyon dolları ötüb

“SOCAR Polymer” MMC 2026-cı ilin yanvar-aprel aylarında 90,3 milyon ABŞ dolları dəyərində məhsul ixrac edib.

Valyuta.az xəbər verir ki, şirkətin ixrac gəlirləri ötən ilin eyni dövrü ilə müqayisədə 9,45% və ya 7,8 milyon ABŞ dolları artıb. Belə ki, 2025-ci ilin ilk dörd ayında bu göstərici 82,5 milyon ABŞ dolları təşkil edib.

Qeyd edək ki, “SOCAR Polymer” MMC ölkədə kimya sənayesinin inkişafının sürətləndirilməsi məqsədilə yaradılıb. Şirkətin istehsal kompleksi polipropilen (PP) və yüksək sıxlıqlı polietilen (YSPE) istehsal edən iki zavoddan ibarətdir.

2013-cü il iyulun 16-da dövlət qeydiyyatına alınan şirkətin nizamnamə kapitalı 101 milyon manatdır. Şirkətin qanuni təmsilçisi Fuad Əhmədov Ramis oğludur.

Mələk Ziyad