Restoran bir balıq üçün 3,2 milyon dollar ödədi

"Sushi Zanmai" şəbəkəsinin sahibi Tokiodakı Yeni il tuna hərracında öz rekordunu yenilədi

Valyuta.az xəbər verir ki, 2026-cı ilin ilk balıq hərracında, Yaponiyanın paytaxtı Tokioda fəaliyyət göstərən "Sushi Zanmai" restoranlar şəbəkəsinin sahibi olan "Kiyomura" şirkəti 536 funt (təxminən 243 kiloqram) çəkidə olan mavi qanadlı tuna balığı üçün 3,24 milyon dollar ödəyib. Bu məbləğ şirkətin 2019-cu ildəki əvvəlki – 2,1 milyon dollarlıq rekordunu geridə qoyub.

Şirkətin rəhbəri Kiyosi Kimura, ictimaiyyət arasında tanınan adı ilə "Tuna kralı", jurnalistlərə açıqlamasında balığın qiymətinin bu qədər yüksək olacağını gözləmədiyini, lakin bu qədər keyfiyyətli bir balığı gördükdə müqavimət göstərə bilmədiyini bildirib. Dəyərli tuna balığı Yaponiyanın şimalında yerləşən Oma sahillərində tutulub.

Hər funtu təxminən 6 060 dollara başa gəlməsinə baxmayaraq, Kimura bu balığın "Sushi Zanmai" şəbəkəsinin bütün restoranlarında adi menyu qiymətləri ilə təqdim olunacağını deyib. O, bu alışın yeni il üçün "uğurlu bir başlanğıc" olduğunu bildirib.

Tənzilə Ağabalayeva