"Türk dövlətləri iş dünyasında yeni uğur hekayələri yazacağıq"

Rok Uluslararası Danışmanlık ve EXPO şirkətinin təşkilatçılığıyla 7-9 noyabr 2024-cü il tarixlərində İstanbul Sərgi Mərkəzində təşkil edilən "Türk Ticarət Sərgisi - Türk Dövlətləri Ticarət və İnvestisiya Əməkdaşlıq Forumu və Sərgisi" nin ikincisi 10-12 İyun 2025-ci il tarixlərində Azərbaycanda, Baku Expo Mərkəzində keçiriləcəkdir.  

Türk Ticarət Sərgisi Layihə Direktoru, Təşkilatçısı, ROK Uluslararası Danışmanlık şirkətinin təsisçisi Aygün Əliyeva Valyuta.az-a bildirdi ki, bu, 8 ölkənin dövlət qurumları tərəfindən dəstəklənən, Türk dövlətlərinin iş dünyasının ən böyük görüşü olan sərgi və forumdur: “Türk Ticarət Sərgisi Türk Dövlətləri: Azərbaycan, Qazaxıstan, Qırğızıstan, Türkiyə, Özbəkistan, Macarıstan, Türkmənistan, Şimali Kipr Türk Respublikası arasında ticarət, sənaye, investisiya, texnologiya və xidmətləri inkişaf etdirmək və bu xidmətlərin dünyanın digər yerlərində marketinqini asanlaşdırmaq məqsədi daşıyır”.

A.Əliyevanın sözlərinə görə, bu sərgidə bir çox lazımi işlərin görülməsi nəzərdə tutulur: “20-dən çox sahədə məhsul qrupları və yeni texnologiyalar sərgilənəcək, ölkələrin investisiya imkanları, mühüm sektorlar, iş, insanlarının problemləri, həlli təklifləri və digər aktual məsələlər ekspert məruzəçilərlə konfranslarda müzakirə olunacaq, ikitərəfli(B2B) və franchise görüşləri ilə şirkətlərin strateji tərəfdaşlıqları inkişaf etdirələcək və türk dövlətlərinin ortaq brendləri yaradılacaqdır. Biz qardaş ölkələr olaraq Türkiyə Ticarət Sərgisi ilə birlikdə əl-ələ verərək gücümüzü və inteqrasiyamızı artırıb Türk Dövlətləri İş Dünyasında yeni uğur hekayələri yazacağıq”.

{gallery}