"OpenAI" şirkətin inkişafını ləngitdiyinə görə İlon Maskı məhkəməyə verir

"OpenAI" milyarder İlon Maska qarşı əks iddia qaldırıb. O, şəxsi maraqları naminə şirkətin inkişafını qəsdən ləngitməkdə ittiham olunur. 

Valyuta.az xəbər verir ki, bu barədə şirkətin X sosial şəbəkəsindəki açıqlamasında deyilir.

"İlon Maskın bizə qarşı davam edən hərəkətləri sadəcə olaraq "OpenAI"ın inkişafını ləngitmək və şəxsi mənfəəti üçün aparıcı süni innovasiyalara nəzarəti ələ keçirmək üçün nəzərdə tutulmuş vicdansız taktikadır", deyə iddiada qeyd edilir.

"OpenAI" həmçinin bildirib ki, Mask heç vaxt şirkətə kömək etməyə çalışmayıb. Şirkətin məlumatına görə, milyarder "OpenAI"a nəzarəti ələ keçirmək və onu kommersiya müəssisəsi kimi "Tesla" ilə birləşdirmək istəyib.

X sosial şəbəkəsindəki "OpenAI" səhifəsində deyilir: "Onun öz e-poçtları bunu təsdiqləyir. O, öz istəyinə çatmayanda çıxıb getdi. Şübhəsiz ki, dövrümüzün ən böyük sahibkarlarından biridir. Lakin bu qəzəb sadəcə olaraq təkrarlanan tarixdir".

Xatırladaq ki, İlon Mask 2024-cü ildə "OpenAI"ın kommersiya modelinə keçməsini qadağan etmək üçün məhkəməyə müraciət etmişdi. Onun sözlərinə görə, şirkət "bəşəriyyətin xeyrinə süni intellekt inkişaf etdirmək missiyasına qayıtmalıdır". Nəticədə, məhkəmə milyarderin vəsatətini rədd etsə də, mahiyyəti üzrə məhkəmə prosesinin sürətləndirilməsinə icazə verib.

Mask daha sonra "OpenAI"ı 97,4 milyard dollara satın almaq istəyib. Lakin şirkətin direktorlar şurası bu təklifi rədd edib.

Paşa Məmmədli