Pomidor ixracında 20 milyon dollarlıq artım

Bu ilin ilk 11 ayında Azərbaycandan 175 milyon 442,88 min ABŞ dolları dəyərində 158 min 259,58 ton tomat (pomidor) ixrac edilib.

Valyuta.az xəbər verir ki, tomat ixracı ötən ilin eyni dövrü ilə müqayisədə dəyər ifadəsilə 20 milyon 80,96 min ABŞ dolları və ya 12,9%, miqdar ifadəsilə isə 28 min 469,49 ton və ya 21,9% çoxdur.

Qeyd edək ki, 2024-cü ilin yanvar-noyabr ayları ərzində Azərbaycandan 155 milyon 361,92 min ABŞ dollar dəyərində 129 min 790,09 ton tomat ixrac olunub.

Bu ilin ilk 11 ayının nəticələrinə görə Azərbaycanın ixrac etdiyi tomatın 1 kiloqramının orta ixrac qiyməti 1 manat 88 qəpik təşkil edib. 2024-cü ilin eyni dövründə isə bu rəqəm 2 manat 3 qəpik idi. 

Tənzilə Ağabalayeva