Məşhur müğənni milyarder oldu

“Forbes”in açıqladığı son siyahıya görə, amerikalı müğənni Beyonse sərvəti milyard dolları keçən beşinci musiqiçi olub.

Valyuta.az xəbər verir ki, 0, bu göstəriciyə kountry janrında hazırladığı “Cowboy Carter” albomu və 2025-ci ilin ən çox gəlir gətirən dünya turu sayəsində yüksəlib.

Beyonse-nin “Cowboy Carter Tour”u 400 milyon dollardan çox bilet gəliri və təxminən 50 milyon dollarlıq merç satışı ilə onun şəxsi sərvətinə mühüm töhfə verib. Forbes 2025-ci ildə müğənninin ümumi gəlirini 148 milyon dollar olaraq qiymətləndirir.

Bu nəticə ilə Beyonse milyarder olan digər musiqiçilər - Jay-Z, Taylor Swift, Bruce Springsteen və Rihanna sırasına qoşulub.