Ötən ay Azərbaycana gələn əcnəbilərin sayı açıqlandı

Bu ilin yanvar ayında ölkəmizə 74 min 57 əcnəbi gəlib.

Valyuta.az Dövlət Turizm Agentliyinin hesabatına istinadən xəbər verir ki, bu rəqəm ötən ilin müvafiq dövrü ilə müqayisədə 105 faiz çoxdur. Belə ki, 2021-ci ilin yanvarında ölkəyə 36 min 115 turist gəlmişdi.

Lakin pandemiyadan əvvəlki dövrlə, yəni 2019-cu illə müqayisədə ölkəyə gələn əcnəbilərin sayı hələ də 61 faiz azdır. Belə ki, 2019-cu ilin yanvarında Azərbaycana 191 min 424 nəfər əcnəbi daxil olub.