Ölkədə maaşı 1 500-dən yüksək olan ilk 5 sahə

2026-cı ilin yanvar ayında ölkədə muzdla çalışan işçilərin orta aylıq nominal əməkhaqqı əvvəlki ilin müvafiq dövrü ilə müqayisədə 3,8 faiz artaraq 1 103,8 manat təşkil edib.

Valyuta.az xəbər verir ki, iqtisadiyyatın müxtəlif sahələri üzrə göstəricilərə əsasən, ən yüksək orta aylıq əməkhaqqı mədənçıxarma sənayesində qeydə alınıb. Bu sahədə çalışanların orta aylıq əməkhaqqısı 3 787,9 manat təşkil edir.

Statistik məlumatlara görə, maaş səviyyəsinə görə ikinci yerdə maliyyə və sığorta fəaliyyəti sahəsi qərarlaşıb. Bu sektorda orta aylıq əməkhaqqı 2 872,6 manat olub.

Üçüncü pillədə isə informasiya və rabitə sahəsi yer alır. Bu sahədə çalışanların orta aylıq nominal əməkhaqqısı 1 929,9 manat təşkil edir.

Siyahıda növbəti yerləri peşə, elmi və texniki fəaliyyət sahəsi tutur. Bu istiqamətdə çalışanların orta aylıq əməkhaqqısı isə 1 770,1 manat səviyyəsindədir.

İlk beşliyi 1 548,1 manat aylıq əməkhaqqı ilə nəqliyyat və anbar təsərrüfatı sahəsi tamamlayır. 

Mayya Hüseynova