Maaş danışıqlarında ən çox edilən 5 səhv - SƏHƏR OXUSU

İş axtaranlar üçün maaş danışıqları karyeranın ən vacib mərhələlərindən biridir. Lakin bir çox namizəd bu prosesdə ciddi səhvlərə yol verir və nəticədə ya istədiyi təklifi ala bilmir, ya da ümumiyyətlə iş imkanını itirir.

Valyuta.az xəbər verir ki, karyera məsləhətçisi və uzun illər headhunter (işə qəbul üzrə vasitəçi) kimi çalışmış Dandan Zhu maaş danışıqları zamanı namizədlərin ən çox etdiyi 6 əsas səhvi açıqlayıb.

1. Yalnız bir iş təklifinə güvənmək

Namizədlərin ən böyük səhvlərindən biri yalnız bir iş təklifinə arxalanmaqdır. Əgər sizin yalnız bir seçim variantınız varsa, işəgötürənin maaşı artırmaq üçün ciddi səbəbi olmur.

Bir neçə iş təklifinin olması isə rəqabət yaradır və bu, sizin bazar dəyərinizi artırır. Belə vəziyyətdə işəgötürənlər sizi itirməmək üçün daha yüksək maaş təklif edə bilərlər.

2. Kifayət qədər araşdırma aparmamaq

Bir çox insan maaş danışıqlarına yalnız prosesin sonunda hazırlaşır. Halbuki bazar maaşları, şirkətin təklif etdiyi şərtlər və sənayedəki standartlar barədə məlumatı əvvəldən toplamaq lazımdır.

Əgər bu məlumatları əvvəldən bilmirsinizsə, danışıqlar zamanı real gözləntilər müəyyən etmək çətin olur.

3. Uzun müddət işsiz qalmaq

İşsiz namizəd olmaq maaş danışıqlarında mövqeyi zəiflədir. İşəgötürənlər çox vaxt artıq işləyən namizədləri daha cəlbedici hesab edir.

Uzun müddət işsiz qalmaq isə işəgötürənlərdə əlavə suallar yarada bilər. Bu səbəbdən mütəxəssislər maliyyə ehtiyatı yaratmağı və iş dəyişmə prosesini planlı şəkildə həyata keçirməyi tövsiyə edir.

4. Yalnız maaşa fokuslanmaq

Bəzi namizədlər danışıqlarda yalnız maaşa diqqət yetirir. Halbuki iş mühiti, rəhbərlik, karyera inkişafı və öyrənmə imkanları da ən az maaş qədər önəmlidir.

Bəzən bazar qiymətindən yüksək maaş təklif edən şirkətlərdə iş mühiti və ya idarəetmə problemləri olur. Bu səbəbdən qərar verərkən bütün faktorları nəzərə almaq vacibdir.

5. Aqressiv və ya kobud davranmaq

Bəzi namizədlər maaş danışıqları zamanı həddindən artıq aqressiv davranaraq işəgötürəni narazı salır. Hətta kiçik məbləğ fərqinə görə iş təklifini itirən namizədlər də olur.

Mütəxəssislər bildirir ki, danışıqlar zamanı hörmətli və peşəkar davranış qorunmalıdır. Çünki işə qəbul prosesi iki tərəf üçün də qarşılıqlı etimada əsaslanır.

Sərvanə Rəmixanova