"Monetri" BOKT-un öhdəlikləri 2,4 dəfə artıb

"Monetri" BOKT 2025-ci ili maliyyə göstəricilərində artımla başa vurub.

Valyuta.az xəbər verir ki, şirkətin xalis mənfəəti 2025-ci il 31 dekabr tarixinə 5,442 milyon manat təşkil edib. 

Bu göstərici 2024-cü ilin eyni dövründə qeydə alınmış 4,029 milyon manatla müqayisədə 1,413 milyon manat və ya 35,1% çoxdur.

Hesabat dövründə BOKT-un cəmi aktivləri 35,204 milyon manata yüksəlib.

2024-cü ilin sonunda bu göstərici 23,619 milyon manat olub. Beləliklə, aktivlər il ərzində 11,585 milyon manat və ya 49,1% artıb.

"Monetri" BOKT-un cəmi öhdəlikləri də əhəmiyyətli dərəcədə artıb. 

2025-ci ilin sonunda öhdəliklər 10,890 milyon manat təşkil edib ki, bu da 2024-cü ildəki 4,467 milyon manatla müqayisədə 6,423 milyon manat və ya 2,44 dəfə çoxdur.

Müştərilərə verilmiş xalis kreditlərin həcmi isə 20,567 milyon manata çatıb.

Bir il əvvəl bu göstərici 8,824 milyon manat olub. Nəticədə kredit portfeli 11,743 milyon manat və ya 2,33 dəfə artım nümayiş etdirib.

Tənzilə Ağabalayeva