Metro sərnişinlərinin sayı 2%-dən çox azalıb

Bu ilin yanvar ayında metro nəqliyyatının xidmətlərindən istifadə edən sərnişinlərin sayı 17 milyon 595,6 min nəfər olub. 

Valyuta.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 388,8 min nəfər və ya 2,2% azdır.

Bununla yanaşı, nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 10,8 milyon ton yük, 149,0 milyon sərnişin daşınıb. 

Ümumilikdə isə nəqliyyat sektorunda fəaliyyət göstərən müəssisələr və fiziki şəxslər tərəfindən bu ilin yanvar ayında 18,3 milyon ton yük və 167,8 milyon sərnişin daşınıb. 

Əvvəlki ilin eyni dövrü ilə müqayisədə yük daşınması 0,4 faiz azalıb, sərnişin daşınması isə 6,8 faiz artıb.

Mayya Hüseynova