"Manato"nun xalis mənfəəti 22 milyon azaldı, faiz gəliri artdı

“SF Azerbaijan” Bank Olmayan Kredit Təşkilatı MMC (Manato brendi) 2025-ci ili 15 milyon 753,699 min manat xalis mənfəətlə başa vurub.

Valyuta.az xəbər verir ki, şirkətin xalis mənfəəti əvvəlki illə müqayisədə 21 milyon 986,399 min manat və ya 58,25% azalıb.

Belə ki, BOKT 2024-cü ildə 37 milyon 740,098 min manat xalis mənfəət əldə etmişdi.

Bununla yanaşı, “SF Azerbaijan”ın xalis faiz gəlirləri artım nümayiş etdirib.

2025-ci ildə xalis faiz gəliri 111 milyon 301,736 min manat təşkil edib ki, bu da 2024-cü ilin 68 milyon 730,708 min manatlıq göstəricisi ilə müqayisədə 42 milyon 571,028 min manat və ya 61,94% çoxdur.

Hesabat dövründə təşkilatın cəmi öhdəlikləri 8 milyon 703,340 min manata enib.

Bu göstərici 2024-cü ildə 46 milyon 023,338 min manat olub.

Beləliklə, öhdəliklər il ərzində 37 milyon 319,998 min manat və ya 81,08% azalıb.

Şirkətin ümumi aktivləri də azalma göstərərək 48 milyon 507,491 min manat təşkil edib.

2024-cü ildə aktivlər 81 milyon 623,790 min manat olub. Nəticədə aktivlər 33 milyon 116,299 min manat və ya 40,57% azalıb.

2025-ci ildə müştərilərə verilən xalis kreditlərin həcmi 28 milyon 593,077 min manat olub.

Bu göstərici 2024-cü ildə 57 milyon 836,770 min manat təşkil edib.

Beləliklə, kredit portfeli 29 milyon 243,693 min manat və ya 50,56% kiçilib.

BOKT-un nağd pul və bank hesablarındakı vəsaitləri də azalıb.

2025-ci ildə bu göstərici 7 milyon 227,494 min manat olduğu halda, 2024-cü ildə 14 milyon 413,337 min manat təşkil edib.

Bu isə 7 milyon 185,843 min manat və ya 49,85% azalma deməkdir.

Tənzilə Ağabalayeva