Çinin baş naziri söz verdi: Onların maraqlarını qoruyacağıq

Çin hakimiyyəti ölkə bazarında təmsil olunan bütün şirkətlərin maraqlarını qoruyacaq və investorlar üçün daha əlverişli şərait yaradacaq. 

Valyuta.az xəbər verir ki, bunu Çin Xalq Respublikasının Dövlət Şurasının baş naziri Li Tsyan deyib.

O, Birinci Çin Beynəlxalq Təchizat Zənciri Sərgisinin açılış mərasimində deyib: “Çin birinci dərəcəli bazar yönümlü biznes mühiti yaratmağa, onun leqallaşdırılmasına və beynəlmiləlləşməsinə təminat verməyə, bütün müəssisələrin qanuni hüquq və maraqlarını qorumağa davam edəcək”.

Çin hökuməti başçısının sözlərinə görə, Çin hakimiyyəti ayrı-seçkilikdən uzaq siyasət yürüdəcək, milli və xarici müəssisələr üçün bərabər imkanlar yaradacaq, investorların maraqlarını daha da səmərəli şəkildə qorumaq üçün yeni tədbirlər hazırlayacaq. O, Çinin dünyada dayanıqlı, dinamik təchizat zəncirlərini saxlamağa sadiq olduğunu və qlobal iqtisadiyyatın bərpasına töhfə verəcəyini vurğulayıb.

"Birlikdə biz bəşəriyyət üçün daha yaxşı bir gələcək yaradacağıq", - Li Tsyan deyib.

Noyabrın 28-dən dekabrın 2-dək Pekində ilk Çin Beynəlxalq Təchizat Zənciri Sərgisi keçirilir. Çin Xalq Respublikasının Beynəlxalq Ticarətin Təşviqi Komitəsi tərəfindən təşkil edilən tədbirdə 50-yə yaxın ölkə və region iştirak edir, onun məqsədi qlobal bazarda qeyri-sabit vəziyyətdə əmtəə və xidmətlərin istehsalı və marketinqi üçün effektiv çoxtərəfli mexanizmlərin saxlanılması və gücləndirilməsi üzrə şirkətlərin səylərinin əlaqələndirilməsini təmin etməkdir.

Nicat